Gjithçka që bën një kontabilist, nga fatura deri te deklarata.

Paneli i zyrës: mbyllja e muajit për çdo klient

Një panel për gjithë zyrën. Veprimet e shpejta në krye: deklarim i ri, libër ATK, foto në Excel, zhvlerësim, faturë, klient. Ecuria e mbylljes në përqindje, lista e muajit me katër hapa (librat ATK, TVSH, kontributet dhe pagat, deklarimet e dorëzuara) dhe rrjedha e punës: çdo klient me gjendjen e vet: për procesim, në rishikim, gati për deklarim, dorëzuar.

• Deklarimet në shumicë: zgjedh WM, WR, TV, IL, QL ose CD, muajin dhe klientët; fushat mbushen nga të dhënat; shkarkohen si Excel dhe shënohen si të dorëzuara.
• Librat ATK për çdo klient dhe muaj ose tremujor, nga faturat e regjistruara ose nga një listë e ngarkuar, ruhen dhe rishkarkohen.
• Kërkimi ⌘K hap çdo klient me emër ose NUI; zilja tregon afatet e 5 ditëve të ardhshme për gjithë zyrën.

Deklarata e TVSH-së dhe librat

Formulari TV del nga faturat e muajit: TVSH e mbledhur nga shitjet, e zbritshme nga blerjet, për pagesë. Librat e shitjes dhe të blerjes shkarkohen si Excel në template-in zyrtar të ATK-së dhe ngarkohen në EDI ashtu siç janë, pa program tjetër në mes.

• Për muaj, me afatin e 20-ës dhe ditët e mbetura.
• Neto dhe TVSH sipas normës: 18 %, 8 %, të liruara.
• Kompanitë pa TVSH trajtohen si duhet: fatura pa TVSH, pa deklaratë; librat tremujorë në formatin e shkurtër të ATK-së.
• Template-i i ATK-së: rreshtat e kokës, numrat e kutive [9]–[30] dhe [31]–[67], kodet e NUI-së (1, 2, 3, 6, 8, 11), ndarja sipas normës, investimeve, importeve dhe ngarkesës së kundërt.

Pagat sipas rregullave të vitit

Punëtorët me pagën bruto; lista e muajit llogaritet vetë: Trusti 5 % i punëtorit dhe 5 % i punëdhënësit, tatimi në paga me shkallë, neto për pagesë.

• Shkallët e ATK-së: 0 % deri 80 €, 4 % deri 250 €, 8 % deri 450 €, 10 % mbi, për muaj, si kalkulatori i ATK-së.
• Totalet për WM/CM gati për deklarim deri më 15.
• Regjistrimi në ditar: shpenzimi i pagave, detyrimet ndaj Trustit dhe ATK-së.
• Lista e punëtorëve nga Excel ose CSV: ngarkoje një herë, me shabllonin e gatshëm.
• Qiraja me 9 % tatim në burim për qiradhënësit persona fizikë: regjistrohet vetë çdo muaj, me totalet për WR.

Kuponi fiskal nga aplikacioni (SEF)

Sipas Udhëzimit Administrativ 01/2026, kuponi fiskal mund të lëshohet nga një softuer elektronik fiskal, pa arkë fizike. Portofol e lëshon nga fatura: e nënshkruan me certifikatën e ATK-së, e raporton në kohë reale dhe printon kuponin me kodin QR.

• Regjistrimi te ATK nga aplikacioni: numri i fiskalizimit nga EDI, njësia, POS-i; certifikata lëshohet nga ATK.
• Kuponi 80 mm sipas shembujve të ATK-së: artikujt me shkronjën e TVSH-së, totalet sipas normës, NUIKF, numri ditor, kodi QR, logoja RKS/MF.
• Anulimi me kupon anulimi që i referohet origjinalit; offline kur s'ka internet, ridërgim kur kthehet.
• Protokolli i ATK-së: protobuf, nënshkrim ECDSA P-256, HTTPS. Ambienti test dhe prodhim. Certifikimi i SEF-it nga ATK në proces.

Kontabilisti: shkruaji, ai e bën

Një buton në çdo faqe. I shkruan si një kolegu: „krijo një faturë për Visar Berisha, 500 euro me TVSH", „bëj një pro-faturë për Feka Home", „prodho librat e shtatorit", „përgatit WM-në e tetorit", „kur është afati i TV-së". Ai e gjen klientin, e bën veprimin në aplikacion dhe të tregon kartën me rezultatin. Pyetjet e ligjit i përgjigjet me nenin; jashtë kontabilitetit dhe tatimeve nuk flet.

• Veprimet: faturë, pro-faturë, librat e ATK-së, deklaratë (TV, WM, WR, QL, IL, CD, PD), hapja e faqeve.
• Të dhënat: sheh vetëm atë që i kthen veprimi, me të drejtat e llogarisë tënde; asgjë nuk përdoret për trajnim.
• Kufiri: 50 mesazhe në muaj falas, 2.000 në Pro, 6.000 në Zyrë e madhe. Bisedat ruhen.

Faqja e klientit

Çdo klient ka faqen e vet: NUI, numri fiskal, numri i TVSH-së, punëtorët; Deklarim i ri dhe Hyr në ATK me një klik. Konfigurimi WM me ngarkimin e listës së punëtorëve dhe kutitë e parazgjedhura (deklaro me zero, pagat me zero, kontribut vullnetar), konfigurimi WR për qiranë. Poshtë, historiku i deklarimeve dhe librat e prodhuar, me shkarkim dhe shënimin si të dorëzuara.